Sen categoria

Entrega produtos pendentes o venres 20

Quedaron pendentes de entrega Clesa (que chega venres pola mañá, hoxe foilles imposible), Campo Capela (que fai ruta habitualmente o venres), e xa temos Rosaleira e Daveiga, que chegaron hoxe pola tarde.

Mañá xoves enviaremos un correo a todas as persoas que fixéchedes pedido co novo calendario de horas de recollida do voso pedido (a partir das 16:00 h, pero con menos tempos entre persoas) e cunha folla de excel cos produtos en estocaxe, por se fose do voso interese adquirilos.

Esa folla teredes que enviala ao correo da cooperativa, e atenderase por rigorosa orde de chegada, ata completar as existencias de cada produto estocado. O prazo para enviar rematará ás 13:30 h do venres. Aplicarase un desconto do 10% ao importe final do que finalmente lle toque a cada quen. A hora de recollida para as persoas que só piden produtos en estocaxe, avisarse por correo ou teléfono.

Novamente, como fixemos desta volta, anotaranse as compras e abonos e xa se liquidarían as contas correspondentes (a favor ou en contra) noutro momento futuro.

Calquera cambio do comentado antes que se produza por causas alleas a nós, será comunicado por esta web e o antes posible por correo/teléfono

Seguimos...

 

Pedido marzo 2020: produtos dispoñibles

Como xa anunciamos, NON teremos os produtos de Lino (Horta), Panadería de Noia e tampouco os de bebidas Moure (viños Marqués de Mundaíz, Alcorta Crianza e Terras do Cigarrón).

O resto dos produtos SI que estarían (con algunhas eivas puntuais)

Nesta páxina iremos informando do que xa imos tendo, que virán na súa maioría na mañá do mércores. Lembrade que a recollida do pedido se fará segundo o horario de entrega individualizado que remitimos por correo no día de onte.

Agora xa temos

17/03 La Pureza (agás a referencia de sardinillas, que quedaron sen ela)

18/03 Difersa

18/03 Xamóns Otero

18/03 Casa Grande de Xanceda

18/03 Estrella Galicia

18/03 Arqueixal

18/03 Feiraco (só pendente queixo arzúa-ulloa e loncheado)

18/03 Bacallau Ala Blanca

18/03 Bama

18/03 Café Candelas (serviron equivocada unha referencia, grao natural de 500g, que o venres contan de cambiar)

 

Importante: Rosaleira e Daveiga contan de facer entrega hoxe ao longo da tarde.

E estamos pendentes de Clesa (hoxe á tarde ou venres)

Se finalmente non puidesen vir hoxe eses pedidos pendentes, xa organizaríamos unha nova entrega, probablemente venres, que xa avisamos por correo ás persoas afectadas. En calquera caso, recomendamos pasar a recoller hoxe o que haxa tal e como estaba previsto.

 

Información actualizada ás 14:05 h

 

 

 

 

Entrega pedido marzo

Vimos de enviar un correo coa a asignación do horario de entrega do pedido de marzo que se fará o mércores 18 a partir das 16:00 h no local da Cooperativa e, para aqueles que teñen produtos de Campo Capela, o venres 20

Está estruturado tendo en conta o perfil da compra e a dispoñibilidade de produtos a esas horas segundo as horas de entrega confirmadas hoxe cos provedores

O sistema de entrega está pensado para que non se produza acumulación de persoas no local e que a entrega non demore máis de 10 minutos por persoa. Previamente terase preparado o pedido de cada persoa para axilizar a entrega. Se se chega antes da hora (ou imos con demora na entrega), deberase esperar a  quenda, no exterior do local, e gardando as distancias de seguridade recomendadas.

Moi importante. Que veña unha soa persoa polo pedido,  sen nenos e nenas acompañantes

Se fose o caso, nin para os abonos nin as posibles compras que se precisase facer de produtos en stock (legumes, pasta, arroces, ...) se farán movementos de cartos (quedarán saldos a favor ou en contra anotados para xa regularizar no futuro).

Tampouco se fará a sinatura da recepción como é habitual (si a comprobación, pero sen asinar)

De todos os provedores, fallan os seguintes (non haberá produtos): Panadería de Noia, Patacas e hortalizas de Lino e Bebidas Moure. Tédeo conta para facer a compra alternativa noutros establecementos de proximidade

O resto serven os seus produtos sen problema

Agradecemos a vosa colaboración e paciencia para garantir as mellores condicións de entrega do pedido nas circunstancias actuais.

Finalmente iremos vendo como evoluciona esta crise sanitaria, e xa valoraremos desde o Consello Reitor a ideoneidade e posibilidades de lanzar o pedido de abril. Anunciaremos por correo e nesta web

Información adicional